Бүгд Найрамдах Польш улсын Ерөнхийлөгч Лех Качиньский, гэргий М.Качинска болон тус улсын төр засгийн өндөр албаны хүмүүсийн хөлөглөж явсан Ту-154 онгоц энэ сарын 10-нд  сүйрсэн билээ.

Онгоц ОХУ-ын баруун хилийн ойролцоох Смоленск хотын цэргийн нисэхийн “Северный” буудалд газардах гэж байгаад осолдсон юм. Энэ  эмгэнэлт явдал болсонтой холбогдуулан  эмгэнэл илэрхийлэх үйл ажиллагааг Монгол Улсын Гадаад харилцааны  яаманд  зохион байгуулж байна. Энэхүү эмгэнэлийн ажиллагаа 12.00 цагаас эхэллээ. Эмгэнэл илэрхийлэх санаачлагыг дэмжиж, Зэвсэгт хүчний жанжин штабынхан болон албаны хүмүүс оролцож байна.

Эмгэнэл илэрхийлэх үйл ажиллагаа өнөөдрийн 18  хүртэл үргэлжлэх аж.