УИХ-ын нэгдсэн хуралдаанаар (2010.05.13) Монгол Улсын Их Хурлын сонгуулийн тухай хуулийн шинэчилсэн найруулгын болон Монгол Улсын Их Хурлын сонгуулийн тухай хуулийг хүчингүй болсонд тооцох тухай хуулийн төслүүдийг хэлэлцлээ. Уг хуулийн төслийг УИХ дах МАХН, АН-ын бүлгээс байгуулсан ажлын хэсэг боловсруулсан юм. УИХ-ын гишүүн П.Алтангэрэл байр сууриа илэрхийлсэн юм. Тэрээр "Улстөрийн намуудын тухай хууль"-ийг хэлэлцэх хэрэгтэй бишүү, мөн хуулийн төсөлд иргэдийн санал хүсэлтийг авсан эсэхийг лавлалаа. Тэрээр мөн хуулийн төсөл дээр шүүмжилэлтэй хандах зүйл байгааг хэллээ.