Монгол Улсын 0-18 насны хүүхэд бүрт сар бүр 20,000 төгрөг олгох хүүхдийн мөнгөн тусламжийн хуулийн төслийг УИХ-ын гишүүн Д.Оюунхорол, Н.Батбаяр, Р.Гончигдорж нар өнөөдөр өргөн барилаа.

УИХ-ын даргын 70-р захирамжаар байгуулагдсан ажлын хэсгийн гишүүд “Хүүхдийн мөнгө” хөтөлбөр нь өрх гэр бүлийг дэмжих, төрөлтийг нэмэгдүүлэх, нөхөн үржихүйн эрүүл мэндийг дэмжих, орлого багатай иргэдийн хүүхдийн сургуульд хамрагдах түвшинг нэмэгдүүлэх, хүн ам зүйн бодлогод эерэг үр дүн авчирна хэмээн үзжээ.