Наадам дөхөөд ирэхээр хотын зүүн баруун дүүргүүд дэх 2 товчооны ойр орчим хонь ямаагаар битүү дүүрдэг.  Шинэ шөл уух гэсэн наадамчдын эрэлт хэрэгцээ малынхаа буян хишгийг хүртэж  хэдэн төгрөгтэй болох гэсэн малчдын “болзоотын бор толгод” энэ жилээс эмх цэгцтэй болж байна.

Өөрөөр хэлбэл нийслэлийн Сонгинохайрхан дүүргийн Засаг дарга Л. Болд баруун зүгийн аймгуудаас ирсэн тууварчид  малчидтай уулзаж зохион байгуулалтын арга хэмжээ авлаа.  Ингэхдээ 22-ын товчооны цаахан талд байрлах иргэн н. Эрдэнэчимэгийн мэдлийн 5 га газар бүхий хашаанд малыг бөөгнөрүүлэхээр тохиролцсон байна.