Нийслэлийн иргэдийн төлөөлөгчдийн хурлын тэргүүлэгчдийн хуралдаан өчигдөр болжээ. Хуралдаанаар  Маамуу нааш ир хүүхдийн дуунд хөшөө босгох тухай болон  баар цэнгээний газруудын цагийн хуваарь, СХД-т зам тавих асуудлууд орсон.

Нийслэлийн хамгийн олон хүн амтай, өнөр дүүргийн нэг болох СХД-ийн нутаг дэвсгэр нэгдүгээр  хорооллын арын дэнж дээр зам тавих асуудлыг авч хэлэлцсэн байна.  Яг одоо байгаа байдал гэвэл зургаан жалга дамжсан гүүрээр иргэд явж байна.  Нэгдүгээр хорооллын арын дэнж бүхэл бүтэн гэр хороолол болж суурьшсан. Тэнд амьдарч байгаа хүмүүсийн дэд бүтцийн асуудлыг шийдэх зайлшгүй шаардлага бий учраас зам тавихаар болж байна.  Энэ замыг  Баянхошууны тоосгоны үйлдвэр Чингис Соосэ их сургууль хүртэл үргэлжлэхээр  төлөвлөжээ.