Төлөөлөгчдийн бүрэлдэхүүнд ШУӨЗО-ны АТИХ-ын Байнгын хорооны Ерөнхий нарийн бичгийн дарга Нишан Ибүлайн, мөн орны Гадаад харилцаа, цагаачдын хэрэг эрхлэх албаны намын бүлгийн нарийн бичгийн дарга У Шянь, Алтайн бүсийн засаг захиргааны дарга Шабүр Этижан, Тацен бүсийн засаг захиргааны дарга Ма Нин, Хятадын банкны хяналт, удирдлагын зөвлөлийн ШУӨЗО-ны банкны хяналт, удирдлагын газрын дэд дарга Маймайти-имин Түршён нар багтжээ.

Түүнчлэн Шинжааны бизнесийн төлөөлөл хүрэлцэн ирсэн байна.

Хүндэт зочдыг манай талаас УИХ-ын гишүүн, УИХ дахь Монгол-Хятадын парламентын бүлгийн гишүүн С.Бямбацогт, УИХ-ын Тамгын газрын Ерөнхий нарийн бичгийн дарга Ц.Шаравдорж нарын албаны хүмүүс нисэх онгоцны буудалд угтлаа.

Төлөөлөгчид өнөөдөр их үдэд УИХ-ын дарга Д.Дэмбэрэлд бараалхах юм.

Дараа нь ноён Алигэн Иминбахай тэргүүтэй төлөөлөгчид Монгол Улсын Ерөнхий сайд С.Батболдтой  уулзана хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.