(Өглөөний сонин)- Монголын улс төрийн томоохон хүчний нэг, МАХН-ын дэргэдэх Ардчилсан социалист залуучуудын холбоо /МАСЗХ/ жил бүр хангайн, төвийн, зүүн, баруун, говийн гэсэн таван бүст чуулга уулзалт зохион байгуулдаг , уламжлалтай.

Тэдний «Залуусаа сонсъё» аяны хүрээнд болж буй энэ жилийн чуулга уулзалтын салхийг хангайн бүсийн гишүүн залуус хагаллаа. Чуулга уулзалт Хөвсгөл аймгийн Мөрөн суманд өнгөрсөн сарын 26, 27-нд болсон юм. Энэхүү уулзалтад Хөвсгөл, Булган, Орхон, Архангай аймаг болон нийслэлийн Баянгол дүүргийн залуус оролцож, үзэл бодол, байр сууриа илэн далангүй хуваалцлаа.

О. Нямсүрэн