Монгол улсын Засгийн газрын 2008 оны 27 дугаар тогтоолыг хэрэгжүүлэх ажлын хүрээнд ачаалал ихтэй зарим гудамж замууд дахь нийтийн тээврийн хэрэгслийн чиглэлүүдийн давхцлыг бууруулан Ард Аюушийн өргөн чөлөө буюу 3,4-р хорооллын зүүнээс баруун/ хуучин нэрээр Ахуйн үйлчилгээний ордноос – Өргөө кинотеатр / чиглэлд их багтаамжийн автобус явуулахаар шийдвэрлэж 2010 оны 8 дугаар сарын 20-ны өдрөөс эхлэхээр болж байна. Ингэснээр Хасбаатарын гудамж буюу 6-р бичил хороолын зам дахь тээврийн хэрэгслийн ачаалал буурна гэж тооцоолж байна.

Дор дурьдсан чиглэлүүдийн автобус 3,4-р хорооллын дундуур дайран өнгөрөх болно.
Үүнд:
1. М:19 “ Ээрмэл-3,4 дүгээр хороолол –ТЭЦ-3”
2. М:31 “ 7 буудал- 3,4 дүгээр хороолол- Мах маркет”
3. М:34 “ Гэмтлийн эмнэлэг – 3,4 дүгээр хороолол – Шархад”
4. М:44 “ ХМК-3,4 дүгээр хороолол – Халдвартын эмнэлэг”
5. М:45 “ 3,4 дүгээр хороолол - Махатма Гандийн гудамж –Мишээл төв “
6. М:46 “Чингис Соосэ ИС- 3,4 дүгээр хороолол – Их засаг ИС- Офицеруудын ордон”
7. М:47 “ Д-1000- 3,4 дүгээр хороолол-БГДүүрэг “
8. Т:5 “ 3,4 дүгээр хороолол- Офицеруудын ордон”3,4 дүгээр хороолол эцэс хүрдэг бусад чиглэлийн бага болон том оврын автобусууд одоогийн явж байгаа Хасбаатарын гудамж буюу бичил 6 дугаар хорооллын урдуур хуучин маршрутаараа зорчих болно.

Лавлах утас: 323176, 326352, 321490, 9312-6287