Олимпийн цэл залуу аварга Б.Батцэцэг, Г.Эрдэнэболд тэргүүтэй Монголын баг тамирчид өнгөрсөн бямба гаригт эх орондоо ирсэн билээ.


Тэднийг БТСГ-ын удирдлага болон Монголын чөлөөт бөхийн болон гимнастикийн холбооныхон тосон авч халуун баяр хүргэсэн юм.
Аваргуудад хүндэтгэл үзүүлэх ажиллагаа Спортын төв ордны өмнөх талбайд үргэлжилж, Монгол Улсын хөдөлмөрийн баатар, 1968 оны олимпийн мөнгөн медальт Ж.Мөнхбат тэргүүтэй ахмад тамирчид талархал илэрхийлсний дараа залуу олимпчид дэвжээндээ хүндэтгэл үзүүлсэн.



Дашрамд дуулгахад, Сингапурт болсон хүүхдийн олимпийн анхдугаар наадамд оролцсон Монголын баг тамирчдын ахлагч, УИХ-ын гишүүн Х.Бадамсүрэн явсан юм.