УИХ-ын Б.Мөнхсоёл: Ийм явдал болсонд харамсаж байна. Энэ бол зөвхөн хоёр гишүүний асуудал биш. Улс төр дахь шийдвэр гаргах түвшинд эмэгтэйчүүдийн оролцоог хумих гэсэн арга гэж харж байна. Гэхдээ Ж.Баярмаа гишүүн бид хоёр шиг улс төрд шийдэмгий орсон эмэгтэйчүүдийн хувьд ийм гүтгэлээс айхгүйгээр ардчилсан парламент дахь үүргээ биелүүлнэ.

Хоёрдугаарт, ХҮН өмнө нь тухайн жилийн төсөвтэй холбоотой санал боловсруулж, зөвлөмж хүргүүлдэг байсан. Энэ удаад ч намынхаа зүгээс болон мэргэжилтний хувиар горимын шинжтэй саналуудыг удаа дараа хэлсэн.

Ирэх оны төсвийн урсгал зардал өмнөх оныхоос 3.56 их наяд төгрөгөөр өссөн. Тиймээс төсвийг эргэн харж, танахаас өөр замгүй.