Өнөөдөр Засгийн газрын хуралдаанаас БНХАУ-ын буцалтгүй тусламжаар баригдах Батлан хамгаалах яамны харьяа Энхийг сахиулагчдын нөхөн сэргээх цогцолбор төвийн барилгыг барих “БСИЖМН” ХХК-ийн 60, “Энк” ХХК-ийн коксын үйлдвэрт шаардлагатай байгаа инженер техникийн болон мэргэжлийн ажилтанд энэ сарын 15-наас арванхоёрдугаар сарын 31-нийг хүртлэх хугацаанд Монгол Улсад хөдөлмөр эрхлэх зөвшөөрлийг зохих журмын дагуу олгохыг Нийгмийн хамгаалал, хөдөлмөрийн сайд Т.Гандид даалгасан байна.

Засгийн газрын тогтоолын дагуу авч ажиллуулах гадаадын ажиллах хүч, мэргэжилтнийг 2010 онд багтаан буцаан гаргах ажлыг зохион байгуулж дүнг НХХЯ-нд хүргүүлэхийг Батлан хамгаалахын сайд Л.Болд, ЭБЭХ-ний сайд Д.Зоригт нарт мөн даалгажээ.