Нийслэлийн Засаг дарга Г.Мөнхбаяр усан оргилуур олноор байгуулах, байгууллага бүр гаднаа усан фантанатай болох ажлыг санаачлан өрнүүлсний үрээр Улаанбаатарт хөгжмийн хэмнэлээр оргилдгоос авахуулаад өнгө өнгийн солонго цацруулан оргилох цөөнгүй тооны усан сантай болоод байгаа. Харин тэрбээр хотын шороо тоос, хуурайшилтыг багасгах эдгээр хиймэл  ажлуудаас гадна хүмүүсийн хайхрамжгүй үйл ажиллагаанаас болж хатаж ширгэхэд хүрээд байгаа хот доторхи голуудыг сэргээхэд анхаарч, байгаль эхийг сэргээх энэ ажлаа 1 номерт байх болно гэдгийг мэдэгдсэн.