Тус сонсголын хүрээнд АГААРЫН БОХИРДОЛ-ХҮН АМЫН ЭРҮҮЛ МЭНД хэлэлцүүлгийг зохион байгуулах ажлын хэсэг Эрүүл мэндийн яаманд 2025 оны 01 дүгээр сарын 12-ны өдөр хуралдлаа.

Хэлэлцүүлгийг Хүний эрхийн дэд хорооны дарга С. Эрдэнэболд чиглүүлэх бөгөөд

• Т.Мөнхсайхан Эрүүл мэндийн сайд – Агаарын бохирдлоос хүн амын эрүүл мэндийг хамгаалах, урьдчилан сэргийлэх, хянах, тандах чиглэлээр одоогийн авч хэрэгжүүлж буй бодлого, хэрэгжилтийн үр дүн, цаашдын төлөвлөгөө
• С.Одонтуяа Байгаль орчин, уур амьсгалын өөрчлөлтийн сайд – Монгол Улсын хот суурин газрын агаарын бохирдол, эх үүсвэр, тооллого, эх үүсвэрийг бууруулах чиглэлээр авч хэрэгжүүлсэн арга хэмжээ, үр дүн, цаашдын бодлого
• Д.Сүнжид Хүний эрхийн Үндэсний Комиссын дарга – Агаарын бохирдол: Эрүүл, аюулгүй орчинд амьдрах эрхийн баталгаа
• А.Энхжаргал АУ-ы доктор, судлаач – Монгол Улсад гадаад, дотоод орчны агаарын бохирдлын хүн амын эрүүл мэндэд үзүүлэх нөлөөллийн чиглэлээр хийгдсэн судалгааны тойм
• Б.Жаргалсайхан АУ-ы доктор – Агаарын бохирдол жирэмсэн эх, урагт нөлөөлөх нь
• Н.Эрдэнэхүү АУ-ы доктор, дэд профессор ХСҮТ захирал – Агаарын бохирдол хавдрын үүсгэгч болох нь зэрэг сэдвүүдээр хэлэлцүүлэг зохион байгуулагдана.

“Агаарын бохирдол -хүн амын эрүүл мэнд” сэдэвт хэлэлцүүлэг 2025 оны 01 дүгээр сарын 15-ны өдөр төрийн ордонд зохион байгуулагдахаар бэлтгэж ажил хангагдаад байна.

Сэтгүүлч

Сэтгүүлч Б.Хонгорсайхан