Нийгмийн бодлого, боловсрол соёл шинжлэхухааны байнгын хороо хуралдаж байсан гэнэ. Тус хуралдаанаар НХХ-ийн сайд Т.Гандигийн санаачилсан "Хөдөлмөр эрхлэлтийг дэмжих" тухай хуулийн төслийг хэлэлцэж, тус хуулийн төслийг Ардчилсан намын гишүүд нэлээд эсэргүүцэн, хүчтэй байр сууриа илэрхийлсэн аж. Тус гишүүдтэй санал нийлсэн гишүүн З.Алтай ч бас санаагаа илэрхийлээд амжсан. Тэрбээр тус хуулийг нэлээн эсэргүүцэж, Т.Гандигаас багагүй асуулт асуусан гэнэ. Түүний дунд "Хөдөлмөр эрхлэлтийг дэмжих сан"-гийн мөнгөөр Монгол хүүхнүүдэд бууз чимхэхийг зааж сургах зэрэг жижиг сажиг зүйлд үрэхээ боливол таарна хэмээн. Т.Ганди сайдад хандаж ихэд уцаарлангуй хэлсэн аж. Гэтэл үүнийг нь УИХ-ын гишүүн Д.Одбаяр тэр мөнгөөр арай ч бууз чимхүүлж сургахгүй ээ. З.Алтай гишүүн дэгсдүүлж байна. З.Алтайгийн бууз чимхүүлнэ гэж яриад байгаа чинь тогоочийн курс байхгүй юу хэмээн тайлбарласан аж.

Б.Даваа

Эх сурвалж: Монголын мэдээ