УИХ дахь АН-ын булгийнхэн дотор яруу найрагч олон бий. П.Алтангэрэл гишүүнийг олон шүлэгтэй гэж нутгийнхан нь ярьдаг юм билээ. Бас өөрийн гэсэн дуутай хүн ч тус намд бий. Г.Батхүү гишүүний үгийг нь зохисон "Толин хул" дууг монголчууд андахгүй мэднэ. "Харанга"-ын Х.Лхагвасүрэн дуулж олны хүртээл болгосон шүү дээ. Дуучин маань саяхан АН-ын нэгэн гишүүнтэй "гар нийлж" ажиллажээ. УИХ-ын гишүүн Л.Гүндалай "Гүн цэнхэр далай ижий" нэртэй шүлэг бичсэнээ дуу болгон Лхагваагаар дуулуулсан байна. Тиймээс л АН-ынхан Лхагваатай хорших дуртай гэж ярих болсон аж. Гэхдээ эрхэм гишүүн маань заримдаа өөрөө дуугаа дуулж, дуучныг ажилгүй болгочих гээд байгаа гэнэ. Саяхан л гэхэд намынхаа гишүүдийг цуглуулан Түн цэнхэр далай ижий"-г дуулж сонирхуулсан байна.

Эх сурвалж. Амралтын шуудан