2025.04.22
Орон нутгийн хөгжил
Мандал суманд иж бүрэн цогцолбор сургуулийн шав тавигдлаа
100 жилийн түүхтэй Сэлэнгэ аймгийн Мандал сумын Ерөнхий боловсролын 2 дугаар сургууль улсын төсвийн хөрөнгө оруулалтаар 640 хүүхдийн суудалтай, урлаг, спортын танхим бүхий цогц шийдэлтэй шинэ сургуультай болно. Энэхүү томоохон бүтээн байгуулалтын шавыг тавих ёслол энэ сарын 19-ний өдөр Мандал суманд боллоо.
Уг цогцолборын нийт төсөвт өртөг 11.366.1 төгрөг бөгөөд энэ онд 3.978.2 төгрөг нь төсөвт суусан байна.Сургуулийн барилгын гүйцэтгэгчээр “Эй-Ди констракшн” ХХК ажиллах юм.
Тус цогцолборыг 2026 оны 12-р сарын 31-ний өдөр хүлээлгэн өгөхөөр төлөвлөжээ.
