МОНГОЛ УЛСЫН ИХ ХУРЛЫН ГИШҮҮН

“Монгол газрын тос боловсруулах үйлдвэр”-ийн ажилчдын орон сууцны барилгын ажил 85 хувьтай байна
2021.07.06
Орон нутгийн хөгжил

“Монгол газрын тос боловсруулах үйлдвэр”-ийн ажилчдын орон сууцны барилгын ажил 85 хувьтай байна

Монгол Улсын Ерөнхий сайд Л.Оюун-Эрдэнэ Газрын тос боловсруулах үйлдвэрийн бүтээн байгуулалттай танилцлаа.

БНЭУ-ын Засгийн газрын хөнгөлөлттэй зээлийн санхүүжилтээр (1,236 тэрбум доллар) хэрэгжиж буй Газрын тос боловсруулах үйлдвэр нь жилд 1,5 сая тонн газрын тос боловсруулах хүчин чадалтай. Төсөл 5 ажлын багцаас бүрдэнэ.

Өнөөдрийн байдлаар Инженерчлэл, төлөвлөлт, зохион байгуулалт болон Технологийн бус барилга байгууламж барих ажлын гэрээ байгуулагдан бүтээн байгуулалт үргэлжилж байна. Үйлдвэрийн талбайд оффис, сургалтын төв, гал команд болон анхны тусламжийн байр, засварын цех, лаборатори, агуулахаас гадна Бор Хөөвөрийн говиос татах усан хангамжийн ажлыг цогцоор нь байгуулна. Уг бүтээн байгуулалтын дараа үйлдвэрийн үндсэн технологийн байгууламжуудыг барина.

“Монгол газрын тос боловсруулах үйлдвэр” компани нь төслийг иж бүрнээр нь хэрэгжүүлэх үүднээс ажилтнуудын 550 айлын орон сууцны хотхоныг Сайншандад баригдаж байна. Тус хотхон нь оффис, хурлын танхим, хоолны заал, анхны тусламжийн төв, дэлгүүр, ахуйн үйлчилгээ, сургууль цэцэрлэг, ногоон байгууламж зэргээс бүрдэх бөгөөд нийт 11 барилгаас бүрдэж байгаа. Одоогоор орон сууцны барилгын ажил 85 хувьтай байна.

ШИНЭ МЭДЭЭ