Дүүргийн ИТХ-ын Зөвлөлийн хуралдаан 2023 оны 01 дүгээр сарын 23-ны өдөр хуралдаж 7 асуудал хэлэлцлээ.

Хуралдаанаар:

• Хог хаягдлын үйлчилгээний төлбөрийн хэмжээг шинэчлэн батлах тухай асуудлыг ИТХ-ын төлөөлөгч, дүүргийн Засаг даргын орлогч М.Алтангэрэл
• Нөхөн сонгуулийн тов зарлах тухай
• Тогтоолын хавсралтад өөрчлөлт оруулах тухай
• Төрийн хэмнэлтийн тухай хуулийн талаарх мэдээлэл
• Ой тэмдэглэх тухай
• Сүхбаатар дүүргийн иргэдийн Төлөөлөгчдийн Хурлын 2023 оны үйл ажиллагааны төлөвлөгөө батлах тухай
• Дүүргийн иргэдийн Төлөөлөгчдийн Хурлын хуралдааны тов, дараалал тогтоох тухай
• Бусад асуудлуудыг ИТХ-ын нарийн бичгийн дарга бөгөөд ажлын албаны дарга Ц.Осорваань нар тус тус танилцуулж 2023 оны 02 дугаар сарын 03-ны өдрийн ИТХ-ын ээлжит хуралдаанаар хэлэлцүүлэхээр шийдвэрлэлээ.

ИТХ-ын Зөвлөл нь хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэгтэйгээр ИТХ-ын дарга Б.Энхболд, ИТХ-ын төлөөлөгч П.Жавзмаа, Ц.Баттөмөр, Л.Мөнхтүвшин, Э.Билгүүн, Ц.Сарантуяа, Ш.Батдорж нарын бүрэлдэхүүнтэйгээр 2023 онд ажиллах юм.