2023.04.12
Хүн ам, Нийгмийн хамгаалал, Хөдөлмөр
Шүгэл үлээгч, мэдээлэл өгөгч хоёрын ялгааг тодорхой тусгаж өгөх нь зүйтэй гэв
Шүгэл үлээгчийн эрх зүйн байдлын тухай анхдагч хуулийн төслийг хэлэлцүүлэгт бэлтгэх, санал дүгнэлт боловсруулах үүрэг бүхий ажлын хэсгийн гишүүд энэ сарын 11-нд Авлигатай тэмцэх газарт ажиллаж, санал солилцлоо.
АТГ-аас иргэдээс ирүүлсэн санал гомдол, мэдээллийг хэрхэн шийдвэрлэж байгаа болон хууль батлагдан гарсан тохиолдолд хэрхэн ажиллах боломж нөхцөлийн талаар ажлын хэсгийн гишүүдэд танилцуулсан. Тус газраас иргэдээс өргөдөл гомдлыг өөрийн байгууллагын албан ёсны веб сайт, Facebook цахим хуудас, 110 тусгай дугаар болон биет байдлаар хүлээн авдаг байна.