Ц.Мөнхцэцэг: Эмэгтэйчүүдийн оролцоог дэмжсэн эрх зүйн орчин бүрдүүлэхээр зорин ажиллаж байна
2023.04.12
Улстөр

Ц.Мөнхцэцэг: Эмэгтэйчүүдийн оролцоог дэмжсэн эрх зүйн орчин бүрдүүлэхээр зорин ажиллаж байна

Дэлхийн олон улс орон шийдвэр гаргах түвшинд эмэгтэйчүүдийн оролцоог нэмэгдүүлэх, тэдний эрхийг хангахаар чармайн ажиллаж буй.

Манай улсын тухайд улс төр дэх эмэгтэйчүүдийн оролцоог хангах чиглэлд цогц арга хэмжээ хэрэгжүүлэх шаардлагатайг онцлон харж “Сонгуулийн тухай” хууль болон “Улс төрийн намын тухай” хуульд тодорхой заалтуудыг оруулж өгсөн.

Өчигдөрхөн буюу 2023 оны 04 дүгээр сарын 11-ний өдөр Улаанбаатар хотноо “Шийдвэр гаргах түвшинд тэгш төлөөллийг хангах амлалт” олон улсын форум болж өндөрлөлөө. Уг форумд УИХ-ын гишүүн Ц.Мөнхцэцэг панелистаар оролцож “Жендэрийн мэдрэмжтэй улс төрийн санхүүжилтээр улс төрийн намыг шинэчлэх нь” сэдвээр илтгэл тавьсан юм.

Тэрээр “Нийгэмд дэх иргэдийн бүлгүүд, хүн амын олон төлөөлөл улс төрд орж ирэх ёстой. Үүнийг пропорцианаль систем хангадаг. Монгол улс газар нутгийн хувьд ч хүн амын төлөөллийг хангасан системийг олох хэрэгтэй. Жендэрийн мэдрэмжтэй хүний эрхийг дээдэлсэн парламентыг төлөвшүүлэх нь парламентын хөгжлийн чухал үзүүлэлт байдаг.

Тиймээс УИХ-ын хаврын чуулганаар хэлэлцэх Улс төрийн намын тухай хууль, Сонгуулийн тухай хуулиудад эмэгтэйчүүдийн оролцоог дэмжсэн, парламентын төлөөлөх чадварыг нэмэгдүүлсэн эрх зүйн орчинг бүрдүүлэхийг зорин ажиллаж байна” хэмээв.

Шийдвэр гаргах түвшинд эмэгтэйчүүдийн төлөөлөл 2 хувиар нэмэгдэхэд авлига 8 хувиар буурдаг гэсэн Дэлхийн банкны судалгаа бий.
Дашрамд дурдахад түүний хувьд “Улс төрийн намын тухай” хуулийн ажлын хэсгийг ахалж байгаа юм. Хуулийн төслийг өнгөрсөн 2 жил хагасын хугацаанд боловсруулж, гадаад дотоодын экспертүүд, олон улс болон иргэний нийгмийн байгууллагууд, эрдэмтэн судлаачдын хүрээтэй олон судалгаа, хэлэлцүүлэг өрнүүлж, саналуудыг тусгасан тухай тэрээр онцолж байсан.
Улс төрийн намын тухай хуульд залуучууд, эмэгтэйчүүд хөгжлийн бэрхшээлтэй иргэд буюу бүх шатны удирдах албан тушаалд төлөөлөл нь доогуур байгаа бүлгийг дэмжих заалтуудыг оруулж өгсөн.

УИХ-ын гишүүн Ц.Мөнхцэцэг: "Квотоос илүү нэр дэвшсэн эмэгтэйчүүд, УИХ-д сонгогдсон эмэгтэйчүүдийн тоогоор тухайн намд нэмэлт санхүүжилтийн эх үүсвэрийг олгохоор заасан. Ингэж нийгэмд төлөөлөл нь доогуур бүлгүүдээ дэмжих боломжтой болно".

ШИНЭ МЭДЭЭ

УИХ-аас гарсан уриалгыг биелүүлэх арга хэмжээний талаар санал солилцлоо 2023.12.13
Ц.Мөнхцэцэг: Монгол Улсын парламент Хүний эрхийн төлөө хүчтэй дуу хоолой болж зүтгэхээ Хүндэтгэлийн чуулганаар баталлаа 2023.12.11
“Хүний эрхийн түгээмэл тунхаглал”-ын 75 жилийн ойд зориулсан Монгол Улсын Их Хурлын хүндэтгэлийн хуралдаан боллоо 2023.12.09
“Хүний эрхийн түгээмэл тунхаглал” батлагдсаны 75 жилийн ойд зориулсан хүндэтгэлийн хуралдаан болно 2023.12.08
Хүний эрх, эрх чөлөөг хангаж хамгаалах бодлого, хэрэгжилт тасралтгүй үргэлжилж байх ёстой 2023.12.08
Жендэрт суурилсан хүчирхийллийн тархалтын судалгаанд хийсэн дүн шинжилгээг хэлэлцлээ 2023.12.07
Ц.Мөнхцэцэг: “Хүндэтгэлийн хуралдаан нь Монгол Улс хүний эрхийн тэмцэлд дуу хоолой нэгтэй гэдгээ дэлхий дахинд батлан харуулж байгаа хэрэг" 2023.12.06
Хүний эрхийн дэд хорооны дарга, гишүүд Зэвсэгт хүчний 326,120, 032 дугаар ангид ажиллалаа 2023.11.30
Мэг Мунн: Монголын парламент хүний эрхийн талаарх өөрийн үнэлгээг хийсэн дэлхийн анхны парламент гэдгийг байнга дурдах болно 2023.11.27
Ц.Мөнхцэцэг: Парламентад жендерийн тэгш байдал бий болсоноор авилгын хэмжээ буурч, хүний хөгжлийн салбарууд хөгжинө 2023.11.24
Парламентын өөрийн үнэлгээний зөвлөмжид тусгах санал, дүгнэлтүүдийг хэлэлцэв 2023.11.23
Хүний эрхийн зарчмуудыг тусгаж, жендэрийн мэдрэмжтэй бодлого боловсруулах, хууль тогтоох үйл ажиллагаа явуулж байна 2023.11.23
Жендэрийн эрх тэгш байдлыг хангах талаарх хууль тогтоомжийн хэрэгжилтийг эрчимжүүлэх шаардлагатай 2023.11.23
"Хүний эрх, жендэрийн мэдрэмжтэй парламент” өөрийн үнэлгээний нэгдсэн хэлэлцүүлэг эхэллээ 2023.11.22
УИХ-ын даргаас өгсөн чиглэлийн дагуу Хүний эрхийн Үндэсний Комиссын мэдээлэл сонсов 2023.11.22
Ц.Мөнхцэцэг: Манай улсын парламент хүний эрхийн мэдрэмжтэй, жендерийн мэдрэмжтэй эсэхийг өөрийн үнэлгээ хийж дүгнэнэ 2023.11.21
ХЗБХ: УИХ-ын даргаас өгсөн чиглэлийн дагуу Хүний эрхийн Үндэсний Комиссын мэдээлэл сонсов 2023.11.21
Парламентын өөрийн үнэлгээнд Олон Улсын болон Үндэсний зөвлөхүүд ажиллана 2023.11.21
Улсын Их Хурлын гишүүн Ц.Мөнхцэцэг: Улсын Их Хурал анх удаа хүний эрх, жендэрийн асуудлаар өөрийн үнэлгээ хийнэ 2023.11.21
2024 онд Сүхбаатар дүүрэгт хийгдэх хөрөнгө оруулалтыг танилцуулья 2023.11.20