Соёл, спорт, аялал жуулчлал, залуучуудын сайд Ч.Номингийн урилгаар хөлбөмбөгийн Барселона клубийн Ерөнхийлөгч ноён Жоан Лапорта Монгол Улсад хүрэлцэн ирлээ. 

Уг уулзалтад УИХ-ын гишүүн А.Ганбаатар БСШУС-ын байнгын хорооны гишүүний болон МХБХ-ны Зөвлөлийн гишүүний хувиар оролцсон байна.

Ингэхдээ монголын хөлбөмбөгийн ирээдүй, өсвөрийн элит хөлбөмбөгийн хөгжлийн талаар хамтран ажиллахаар санал солилцжээ. 

Тэрбээр “Цаашид Барселона клубийн мэргэжилтнүүд МХБХ-той хамтран “Барса академи”-ийн сургалтын хөтөлбөр, арга зүйг Монголд нэвтрүүлэх, өсвөрийн хөлбөмбөгийг хөгжүүлэх, залуу тоглогчдын ур чадварыг сайжруулах чиглэлд ажиллах юм. Дэлхийн хөлбөмбөгийн оддыг бэлтгэн гаргадаг “Барса академи”-тай хамтран ажилласнаар монголын хөлбөмбөгийн ирээдүй, залуу үеийнхнээс маань олон улсын түвшинд хүрэх өндөр мэргэжлийн тоглогчийг төрүүлэхэд хувь нэмэр оруулна гэж итгэж байна” гэдгийг уулзалтын үеэр онцолж байв.