Одоогоос 15 жилийн өмнө буюу 1997 оны хоёрдугаар сарын 28-нд Туркт төрийн эргэлт болсон юм. Хэдийгээр төрийн эргэлтийн үеэр цус асгараагүй ч тус улсын хөгжилд муугаар нө­лөөлж, асар их хохирол учир­сан хэмээн Проку­рорын газраас нь мэдэгд­жээ. Уг хэрэгтэй холбог­дуу­лан тус ул­сын шүүхээс өнгөрсөн дөрөв­дү­гээр сараас эхлэн "хоёрду­гаар сарын 28" гэх хэрэгт сэ­жиглэн цэргийн томоохон албан тушаалтнуу­дыг баривч­лан мөрдөж байгаа аж. Үүнтэй холбоотой ээлжит баривчил­гааг өчигдөр явуул­жээ. Өчигдөр Туркийн есөн мужид нэгжлэг явуулж, 11 гене­ралыг барив­чил­сан байна. Тэднийг Анкара хотын Сын­жан, Мамак дүүр­гийн шоронд хориод байгаа аж.  Баривчлаг­дагсдын дунд агаа­рын зэвсэгт хүчний маршал,  хошууч генерал цолтой таван хүн байгаа гэнэ.

Одоогийн байдлаар төрийн эргэлт хийсэн гэх хэрэгт сэжиг­лэн 30 хүнийг баривчлан хав­таст хэрэг нээн шалгаж байгаа юм байна.