“Цахим гарын үсгийн тухай хууль” ирэх оны нэгдүгээр сарын нэгний өдрөөс хэрэгжиж эхлэхтэй холбогдуулан өчигдөр Монгол Улсын аж ахуй нэгжүүд өдөр тутмын ажилдаа цахим гарын үсгийг яаж ашиглах талаар сургалт зохион байгууллаа. Аж ахуй нэгжүүдийн тухайд татварын тайлангаа харьяа дүүргийнхээ татварын байгууллагад гаргаж өгөхийн тулд цаасаар олон янзын маягт бөглөж, аудитын байгууллагаар дүгнэлт гаргуулдаг гээд хийх ажил их байдаг. Энэ хэрээр ч маш их цаг хугацаа зарцуулдаг. Тиймээс цахим гарын үсгийн тухай хууль хэрэгжиж эхэлснээр аж ахуй нэгжүүдийн ажил маш хялбар болох юм.