Хөдөлмөрийн сайд Я.Санжмятавыг өчиг­дөр “Дүнжин­гарав” ху­дал­­дааны төвд болж буй “Монголд үйлд­вэр­лэв” үзэсгэлэн худал­дааны нээлтийн ёслолд оролцохоор ал­баны хү­мүүсээс хам­гийн түрүүнд оччихсон, үйлдвэрлэгч болон худалдаа эрхлэгчидтэй уулзаж явсан.

Тэрбээр “ангийн дарга Н.Алтанхуяг”-аасаа урьтаж очсон нь их л учир “жанцан­тай” гэнэ. Эрхэм сайдын тэрүүлдэг Хөдөлмөрийн яамнаас “Ажилтай, орлоготой Монгол хүн” хөтөлбөрийн хүрээнд хэдэн зуун, мянган хүн ажлын байртай болсон бө­гөөд тэдгээрийн тодорхой хувь нь жижиг дунд үйлдвэрлэгчидтэй хамтарч ажиллаж байгаа ажээ.

Түүнийг ийнхүү ганцаараа бодит байдалтай газар дээр нь танилцаж явахыг харсан олон нийт “Сайд ч жижиг дунд үйлдвэрийнхэнийг өөриймсөгөөр харж, хандан байнга анхаардаг, сүрхий юм аа” хэмээн их л ам сайтай байгаа бололтой байв.

Түүгээр ч зогсохгүй Хөдөлмөрийн сайд гэсэндээ аргагүй хөдөлмөрч юм хэмээн шивэр авир хийцгээж байлаа.