Төмөр замын талаар төрөөс баримтлах бодлогыг УИХ-ын чуулганы өчигдрийн нэгдсэн хуралдаанаар батлав. Гишүүд, сайд нар түүхэн шийдвэр гаргалаа хэмээн хуралдааны танхимд дурсамж гардацгаав. Төмөр замын рейс төмрийг зусч дурсамж дээр суурилуулжээ. Манай улс төмор замтай болохоор 1949 онд Москвад шийдвэр гаргаснаас хойш болж буй онцлог шийдвэр энэ гэнэ. Нийт 5683.5 км шинэ төмөр зам барих бөгөөд гурван үе шаттай хэрэгжүүлэхээр болж байна. Бодлого батлагдсантай холбогдуулж Зам тээвэр, барилга, хот байгуулалтын сайд Х.Баттулга хэвлэлийнхэнд ярилцлага өглөө.

-Манайх төмөр замын бодлоготой боллоо. Бодлогоо юунаас эхэлж хэрэгжүүлэх вэ?

-Тогтоолын дараа бодлогын дагуу эхний ээлжинд Тавантолгой-Сайншанд-Чойбалсангийн чиглэлд 1100 орчим км тавих юм.

-Техник, эдийн засгийн үндэслэл нь байгаа юу?

-Техник, эдийн засгийн үндэслэлийн хувьд урьдчилсан зүйлээ хийчихсэн. Тогтоол батлагдчихсан учраас одоо бүрэн бүтэн болгоно гэсэн үг. Хангайтай адил том уул, нуруу, гол мөрөн багатай газар учраас ажлын хувьд гайгүй болов уу гэж манай мэргэжилтнүүд тооцоолж байна. Нэг том асуудал нь төмөр замыг говьд голдуу барих учраас даланг нэлээн сайн чигжиж хийхгүй бол нурах аюултай.

-Төмөр замын цариг нь ямар байх юм?

-1520 мм-ийн өргөн цариг гэж тогтоолд тусгалаа. Одоогийн байгаа төмөр замтай огтлолцуулах үүднээс ингэж шийдсэн.

-Хөрөнгө оруулаг хэрхэн сонгох вэ?

-Тендерээр сонгон шалгаруулна. Одоогийн байдлаар ОХУ, Хятад, СОЛОНГОС болон Монголын тал санал ирсэн.

-"Төмөр зам дагаж бүтээн байгуулалт өрнөнө, ажлын байр нэмэгдэнэ” гэсэн хүлээлт бий. Хэдийгээр ажил эхлэх вэ?

-Засгийн газраас гар-гасан бодлогын дагуу Монголд аль болох удаан, хол явдаг төмөр зам барих юм. Монголд бүгээн байгуулалт өрнөж, ажлын байр нэмэгдэнэ. Мөн боловсруулах уйлдвэрүүд барина.

-Бүтээн байгуулалтын ажлыг ямар хугацаанд хийж дуусгах вэ?

-Техник, эдийн засгийн үндэслэлийг 3-5 сард хийнэ гэж тооцож байна. Энэ хуга-цаанд ажил нэлээн хийгдэнэ. Зарлаагүй л болохоос ажлаа хийж байгаа. Усны хайгуул 78-80-ын хооронд тодорхойлж, баталгаажуулах өрөм тавьж байна. Бүтээн байгуулалтаа хоёр жилд хийнэ гэж харж байгаа. Төмөр замын рейс бол техникийн ажил. Өнгөрсөн жил 108 км замыг гурван сарын дотор л барьсан шүү дээ.

-1000 км замыг хэдэн жилд барих вэ?

-Бидний тооцоогоор хоёр жил.

-Хамгийн гол зорилго нь төмөр замаар нүүрс тээвэрлэж экспортлох тухай ярьж байгаа. Нэг тонн нүүрсийг хэдэн ам.доллараар худалдахаар төлөвлөж байна вэ?

-Манайхан нүүрс худалдах гэж яриад байгаа. Нүүрсийг дахин боловсруулж коксжуулах юм. Ингээд гол хэрэглээтэй Зүүн хойд Ази, үйлдвэржилт нь хөгжсөн, түүхий эдийн нөөцгүй Өмнөд Солонгос, Япон руу кокс гаргах юм. Солонгосын хойт дээр Австралийн нүүрстэй өрсөлдхүйц үнээр худалдана гэж тооцож төмөр замын бодлого гаргаж байгаа юм.

-Австрали, Индонезийн нүүрстэй өрсөлдөх чадвар байгаа юу?

-Байгаа.

-Төмөр зам барих хөрөнгийг хаанаас, яаж босгох вэ?

-Концессын хууль, зээлээр босгоно.

-Эхний ээлжийн замыг өргөн царигтай барих юм байна. Дараагийнх нь нарийн байж болох уу?

-Одоогоор өргөн гэж шийдлээ. Хилтэй ойрхон ордуудад төмөр зам барих байлаа гэж бодоход тухайн үед Үндэсний аюулгүй байдлын зөвлөлөөр дахин оруулж, Засгийн газар, УИХ-д танилцуулж хоёр, гурав дахь шат руугаа орно.

-Засгийн газар анх төсөл боловсруулахдаа эхний ээлжинд барих төмөр зам 1770 км байна гэсэн. Гэвч 1100 км болгож баталсан нь ямар учиртай вэ. Ингэснээр төмөр замын маршрутад өөрчлөлт орох уу?

-Орно. Сайншандыг хөдөлгөөнд оруулж, Монголд нэмүү өртөг үйлдвэрлэсний дараа хоёр дахь шатаа тавих бодлогоор төмөр замын уртын хэмжээнд өөрчлөлт орсон.