Нүүдлийн соёл иргэншилтэй, бэлчээрийн мал аж ахуйтай Монголчуудын хувьд хаврын улирал хамгийн их хүлээдэг улирал байдаг. Энэ улиралд Улсын аврага малчдыг шалгаруулдаг. 

Ч.Улаан: Хавар цаг малчин хүмүүсийн хувьд хариуцлагатай улирал байдаг. Малчид маань төл малаа хүлээн авч, тариаланчид маань тариагаа тарих бэлтгэлээ эхлэнэ. Улс орны эдийн засаг хаврын сартай хамт эхэлж, намрын сартай хамт үр өгөөжөө өгдөг. Шинэ он гарч буйтай холбогдуулан малчид маань өмнөх оныхоо ажлыг дүгнэж, шинэ оны бодлого зорилтыг төлөвлөж байгаа. Үндэсний баялаг болсон мал сүрэг маань өсөн арвижиж 70,9 сая малтай боллоо.