Уулзалтаар энэ оны 7 дугаар сарын 10-13-нд "Юнеско"-ийн Ерөнхий захирал Одри Азуле манай оронд албан ёсны айлчлал хийж, Монгол улс Юнеско-ийн хамтын ажиллагааны санамж бичигт гарын үсэг зурахаар төлөвлөж байгаа бөгөөд санамж бичигт боловсролын талаар өргөн хүрээтэй асуудлууд тусгах талаар ярилцлаа. 

Юнеско-ийн Reimagining Education: A new social contract for education” тайланг монгол хэлнээ орчуулж, Ерөнхий захирлын айлчлалын үеэр үндэсний хэлэлцүүлэг зохион байгуулахаар төлөвлөжээ. Мөн НҮБ-ын Ерөнхий Ассемблейн үеэр “Digital Transformation in Education” сэдэвтэй side event зохион байгуулна. Digital Transformation in Education чиглэлээр 2-р категорийн төв байгуулахаар төлөвлөж байгаа бөгөөд төвийг байгуулах асуудлыг Гүйцэтгэх хорооноос дэмжихийг хүслээ. Цаашдаа манай улс Юнеско-ийн Гүйцэтгэх хорооны гишүүн болох зорилго тавьж ажиллаж байгаагаа БШУ-ны сайд Л.Энх-Амгалан илэрхийллээ.

Хатагтай Тамара Сиамашвили нь 2021 оны 11 дүгээр сараас Юнескогийн гүйцэтгэх хорооны даргаар ажиллаж байна. 2019 оны 3-р сараас эхлэн Бүгд Найрамдах Серби Улсаас Юнеско-ийн дэргэд суугаа Байнгын төлөөлөгчийн газрын Элчин сайд, Байнгын төлөөлөгч, 2017 оны 6-р сараас 2019 оны 3-р сар хүртэл Хоёр талын харилцааны дэд сайдын туслах, 2016 оны 3-р сараас 2017 оны 6-р сар ГХЯ-ны ЕАБХАБ, Европын Зөвлөлийн газрын дарга, 2014 оны 9-р сараас 2015 оны 12-р сар ЕАБХАБ-ын даргалах ажлын хэсгийн дэд дарга зэрэг ажлын туршлагатай.