Мөч тайралт хийлгэсэн иргэдийн бүлгийн уулзалт өнөөдөр Хөгжлийн бэрхшээлтэй хүний ерөнхий газарт 18:00 цагт болох талаар УИХ-ын гишүүн О.Саранчулуун мэдээлэв. 

Тэрбээр энэ талаар “Хиймэл хөлний асуудлаарх 2025 оны ээлжит эхний улирлын уулзалт болох гэж байна. Ямар нэг шалтгааны улмаас мөч тайрагдах хагалгаанд орох гэж байгаа бол, эсвэл хагалгаандаа орчихсон бол, энэ төрлийн хагалгаанд орсон хайртай дотны хэн нэгэнд хэрхэн? яаж? туслахаа мэдэхгүй бол бид танд нийгэм,сэтгэл зүйн дэмжлэг үзүүлэх болно.

Энэ удаад бид бүхэн Протез хэрэглэгчдэд зориулсан гарын авлагаа үнэ төлбөргүй тараах болно. Бидний уулзалтад оролцохыг хүссэн хүн бүрт нээлттэй бөгөөд дэлгэрэнгүй мэдээлэл авахыг хүсвэл 99786999 дугаарт холбогдоно уу” гэсэн юм.