Улаанбаатарт үүлшинэ. Бага зэргийн цас орно. Салхи хойноос секундэд 6-11 метр.16-18 хэм хүйтэн байна.2012 оны 2 дугаар сарын 09-13-ныг хүртэлх цаг агаарын урьдчилсан төлөв:11-нд нутгийн хойд хэсгээр, 12-нд нутгийн зүүн хэсгээр бага зэргийн цас орж, салхи секундэд 12-14 метр хүрч зөөлөн цасан шуурга шуурна.

Ихэнх хугацаанд Увс нуур, Дархадын хотгор, Идэр, Тэс голын сав газраар шөнөдөө 38-43 хэм, өдөртөө 24-29 хэм, Хангай, Хөвсгөлийн уулархаг нутаг, Хараа, Ерөө, Туул, Хэрлэн, Онон голын сав газраар шөнөдөө 29-34 хэм, өдөртөө 14-19 хэм хүйтэн байна.Алтайн өвөр говь болон говийн нутгийн баруун хэсгээр шөнөдөө 17-22 хэм, өдөртөө 5-10 хэм, бусад нутгаар шөнөдөө 22-27 хэм, өдөртөө 10-15 хэм хүйтэн байна. Хугацааны эцсээр ихэнх нутгаар хүйтний эрч чангарна гэж Ус цаг уурын хүрээлэнгээс мэдээллээ.