Дэлхий нийтийг хамраад бай­гаа хямралаас үүдэлтэйгээр аме­рик доллар хадгалахаас илүүтэй алтны эрэлт хэрэгцээ өсөн нэмэг­дэх хандлагатай болоод байна. Тэгвэл хамгийн их алтны нөөцтэй 10 орныг нэрлэе.

1.Энэтхэгийн хүн ам 1.2 тэр­бумд хүрээд байна. Тус улсын соёлд алтны үүрэг их өндөр бөгөөд эд баялгийн үндсэн үзүү­лэлт хэ­мээн тооцогдсоор ирсэн. Дэлхийн алтны эрэлт хэрэгцээний гуравны нэг Энэтхэгт хамааралтай.  Тиймээс тус улсын хадгалж цуг­луулсан алтны нөөц нь өнөөдрийн байдлаар 557.7 тонн­той тэнцдэг байна.

2.Нидерланд нь жижигхэн улс бөгөөд хүн ам нь ердөө 16.6 сая. Тэгсэн хэрнээ банкиндаа их хэм­жээний алтны нөөцтэй орны тоонд багтдаг. Тус улсын алтны нөөц 612.5 тонн юм.

3.Арлын Япон улс сүүлийн хорин жилийн турш эдийн засгийн өсөлт тааруухан байгаа хэдий ч 765.2 тонн алт нөөцөлжээ. Гэхдээ үндэсний мөнгөн тэмдэгт болох йений ханш өндөр байгаа учир алтаа зарж эхлээд байна.

4.ОХУ аажмаар алтныхаа нөө­цийг нэмэгдүүлж байгаа орны нэг. Өнөөдрийн байдлаар тус улсын нөөц 851.5 тонн аж. Нэг жилийн өмнө уг нөөц 784.1 тонн байв. Түүхий эдийн экспорт өсөн нэмэг­дэж бай­гаа нь алтны нөөцөө нэмэг­дүү­лэхэд таатай нөлөө үзүүлдэг аж.

5.Швейцарь сүүлийн үед фран­кийнхаа үнийн өсөлтийг зогсоох гэж ихээхэн чармайлт гаргаж бай­гаа орны нэг. Тиймээс алтныхаа нөөцийг өсгөх гэж хичээхгүй байгаа. Харин ч эсрэгээр алтаа борлуулж эхлээд байна. 7.6 сая хүн амтай жижигхэн улс гэхэд 1040.1 тонн алттай.

6.БНХАУ хурдацтай хөгжиж бай­гаа эдийн засагтай, 1.3 тэрбум хүн амтай. 2003-2009 оны хооронд 450 тонн алт худалдан авсан бол 2010 онд л гэхэд 200 тонн алт авчээ. Тус улс нь бүх нөө­цөө алт болгож эхлээд байна. Тус улсын алтны нөөц-1054.1 тонн.

7.Францын зэрэглэлийг олон улсын байгууллагууд нэлээд бууруул­сан бөгөөд цаашид энэ улсын эдийн засаг хэрхэх нь тодор­хойгүй байгаа. Сүүлийн үед Франц байнга алтаа борлуулах болсон. Цаашид ч үргэлжлэх байх. Тус улсын алтны нөөц өнөөдрийн байдлаар 2435.4 тоннтой тэнцдэг.

8.Италийн төсвийн алдагдлыг нөхөхөд алтаа борлуулах явдал тус болох боломжтой төдийгүй гадаад зээлтэй холбоотой асууд­лыг нь шийдвэрлэх юм. Тус улсын өр их байгаа учир алтаа цаашид ч борлуулсаар л байх болов уу. Алтны нөөц нь 2451.8 тонн.

9.Европын холбоо болон евро бүстээ Германы алтны нөөц бага биш. Нийт 3401.8 тонн учир нь тэртэй тэргүй хүчирхэг эдийн засаг­тай байгаа тус улс алтны нөөцөө нэмэгдүүлээд байх шаардлагагүй.

10.АНУ-ын эдийн засаг дээд зэрэглэлээ аль хэдийнээ алдсан төдийгүй ам.долларт итгэх итгэл ч суларч эхлээд байна. Гэхдээ нөөцөөс алтаа гаргаж ирснээр үнэт төмөр худалдан авагчдын эрэлтийг бууруулах магадлал өндөртэй орны нэг. Өнөөдрийн байдлаар тус улсын алтны нөөц 8133.5 тоннтой тэнцдэг байна.