Гурван жилийн өмнөх энэхүү зураг тэр дариудаа л тухайн өдөр уншигчдын таашаалд хамгийн их хүрсэн зургаар шалгарсан байна. 2009 оны тавдугаар сард Филадельфийн Жейкоб хүү эцэг, эхтэйгээ Ерөнхийлөгчийн өрөөнд зочилжээ.  

Үндэсний аюулгүйн зөвлөлд ажиллаж байсан аав нь ажлаа өгөхдөө Ерөнхийлөгчтэй гэр бүлийн зураг авахуулахыг хүссэн юм байна. Энэ үеэр Жейкоб хүү Ерөнхийлөгчийн албаа аваад таван сар болж байсан Барак Обамагаас “Таны үс минийхтэй адилхан болов уу гэдгийг мэдэхийг хүсч байна” гэж зориг муутайхан шивнэн асуужээ.

Харин Ерөнхийлөгч “Хүрээд үз ээ, залуу минь” гээд доош мэхийсэн байна. Дараа Жейкобоос “За ямар байна вэ?” гэж асуухад, хүү “Тийм ээ. Адилхан юм шиг санагдлаа” гэж хариулсан байна. Энэ зураг уншигчдад Обамагийн талаар ихээхэн эерэг сэтгэгдэл төрүүлжээ.