Уулзалтад Дорноговь аймгийн Газрын харилцаа, барилга хот байгуулалтын газрын албан хаагчид оролцож аймгийн ерөнхий архитекторын бүтэц орон тооны асуудлыг шийдвэрлүүлэх, Сайншанд сумын инженерийн бэлтгэл ажлын хүрээнд үерийн усны далан сувгийн зураг төсвийг ОНТ-ийн 299 сая төгрөгийн хөрөнгө оруулалтаар гүйцэтгэсэн бөгөөд уг ажлыг цаашид хэрэгжүүлэхэд шаардлагатай 28 тэрбум төгрөгийн хөрөнгө оруулалтыг улсын төсөвт тусгуулах зэрэг саналыг танилцууллаа.

Аймаг орон нутгийн газрын харилцаа, барилга хот байгуулалтын газар, Төр хувийн хэвшил, барилга захиалагч болон гүйцэтгэгч талууд шат шатандаа норм нормативыг дагаж мөрдөж, эхлүүлсэн ажлаа зураг төслийн дагуу бүрэн гүйцэтгэж, эдийн засгийн хийгээд эд материалын хүндрэл учруулахгүй байх тал дээр онцгойлон анхаарч ажиллах чиглэл өглөө.