УИХ-ын чуулганы /2025.04.03/-ны өдрийн хуралдаанаар Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төслийг хэлэлцлээ.

Хэлэлцэж асуудалтай холбоотой Б.Уянга гишүүний асуултад УИХ-ын гишүүн ХЗДХ-ийн сайд О.Алтангэрэл хариуллаа.

Харамсалтай нь сүүлийн жилүүдэд хүчингийн гэмт хэрэг нэмэгдэх хандлагатай байгаа. Хорих байгууллагуудад ял эдэлж буй залуучуудын нэлээд хувь нь энэ төрлийн гэмт хэрэг үйлдсэн байдаг. Нэн ялангуяа хөдөө орон нутаг, алслагдмал газар амьдарч байсан залуус ийм хэрэгт холбогдох нь их. Ял шийтгэлийн бодлогын хувьд харьцангуй тогтвортой байгаа. Насанд хүрээгүй этгээдийг хүчиндсэн этгээд 10-аас дээш жилийн ял сонсдог. 

Цагдаагийн байгууллага юмуу Гэмт хэргээс урьдчилсан сэргийлэх байгууллагаас үйл ажиллагаа явуулахаас гадна хөдөөгийн залуусынхаа нийгэм соёлын асуудал, хүйсийн тэнцвэртэй байдлыг хэрхэн хангахад анхаарахаар зорилгоор БСШУ-ны сайдтай ярилцсаны дүнд ЕБС-ийн хичээлийн хөтөлбөрт энэ чиглэлийн агуулгыг тусгахаар хамтарсан баг ажиллаж Гарын авлага гаргаад байна.

Гэм буруугүй хүнийг үндэслэлгүйгээр хорьсон тохиолдолд шүүхийн шийдвэр гарна. Энэ тохиолдолд нөхөр олговор олгох асуудал явагдаж байна. ХЗДХЯ дээр гэмт хэргийн хохирогчдод нөхөр олговор олгох сангаас гадна төрийн буруутай үйл ажиллагаанаас бусад учирсан гэм хорыг нөхөн төлүүлэх үйл ажиллагаа явагддаг. 2025 оны төсвөөс энэ чиглэлийн хүмүүсийн төлбөрийг барагдуулсан үйл ажиллагаа явагдсан. 

Харин эрх зүйн туслалцааны хувьд бид хүрээ хязгаараа өргөжүүлж байгаа тул та саналаа тусгаад явах бололцоотой гэж үзэж байна.