УИХ-ын гишүүн Д.Ган­хуягаас дараахь тодруулгыг авлаа.

-Эрдэс баялаг, эр­чим хүчний сайд Д.Зо­риг­тыг огцрох шаард­ла­гатай гэж үзсэн үндэс­лэ­лийг ямар учраас гар­гах болсноо тодорхой тайлбарлахгүй юу?

-Монгол Улс бол ард­чилсан зарчимт улс. Тэгэ­хээр УИХ-аас гарсан хууль тогтоомжийг Үндсэн хууль болон бусад хуу­лиараа хэрэгжүүлэхийг Засгийн газар болон Зас­гийн газрын гишүүн ха­риуцах ёстой. УИХ-аас гарсан ашигт малтмалын тухай хууль, стратегийн ордуудтай холбоотой Оюу толгой, Таван тол­гойн тогтоолууд хэрэгждэггүй, эсвэл эсрэгээрээ хэрэгждэг. Ийм байдал­тай явсаар ирлээ. Түүнээс гадна Засгийн газрын жил бүрийн үндсэн чиглэл бас ийм байдалтай үргэл­жилсээр байна. Мөн эр­чим хүчний тавдугаар эх үүсвэрийг барих асууд­лыг 2007 онд Засгийн газрын үндсэн чиглэлд суулгаж өгч байсан. Өнөө­дөр энэ ажил гэрээ ч үгүй явж байна. Улаанбаатарт өнөөдөр олон зуун айл гэрэл цахилгаангүй бай­на. Энэ байдлаараа 2014 он гэхэд эрчим хүч­ний хомсдолд орох бол­но. Тиймд эрчим хүчний тавду­гаар үүсгүүр манайд зайлшгүй шаардлагатай. Гэтэл энэ чухал асуудлыг гурван жил авч хэрэг­жүү­лэлгүй явлаа. Дараагийн нэг чухал асуудал нь нефть боловсруулах асуу­дал. Манайх түүхий нефть гаргаад л байна.

Уг нь манай улс нефтиэ боловсруулах юм бол нийт шатахуунаа хөнгө­хөн хангачих учиртай. Тэгээд манай Засгийн газрын тэргүүн, гишүүд Кувейт рүү явдаг. Түүхий нефть өгөхөөр бол­лоо гээд л ирдэг. Миний мэдэж байгаагаар энэ асуудлыг 2005 оноос хойш ярьж байна. Гэтэл одоо болтол хийгдсэн ямар ч ажил алга. Энэ асуудлууд ший­дэгдэхгүй бо­лохоор ма­най улс нэг, хоёр улсаас хараат болж байгаа юм. Тэгээд цаг хэцүүдвэл Ерөн­хийлөгч нь утсаар ярьж гуйдаг. Өнөөдөр манайд нэг ийм байдал л үргэлжилсээр байна. Дээр дурдсан бүх асууд­лууд жил бүр Засгийн газрын үндсэн чиглэлд тусгагддаг. Нөгөө талаас Засгийн газрын мөрийн хөтөлбөрт АН-ын бүл­гийн ажлын хэсэг хангалт­гүй дүн тавьсан. Ер нь төрийн хуулийг Засгийн газар хэрэгжүүлэхгүй юм бол хэн энэ хуулийг хэрэг­жүүлэх юм. Түүнээс гадна өөрсдийнх нь баталсан хуулийг эсрэгээр нь хэ­рэгжүүлээд байхад УИХ, Засгийн газрын гишүү­дийг огцруулахгүй гээд яах юм.-Та гурвын дэлгэн тавьсан энэ асуудлын цаана хувийн ашиг сонирхол нь нуугдаж байна гэж гадуур ярих боллоо?-Ийм яриа гаргаж бай­гаа хүмүүс нь Д.Зоригт сайдыг өмөөрч байгаа, төрийн хуулийн дээр га­раад суучихсан хүмүүс. Тэрийг нь ч би харсан. Түүнээс гадна нэг зүйл нэмж хэлэхэд би энэ асууд­лыг гэв гэнэт гаргаж тавьж байгаа юм биш. Өмнө нь энэ асуудлаар УИХ-д асуулга тавьсаар байсан. Тухайл­бал, Оюу толгойн гэрээг хэлэлцэж байхад ашиглах нь зөв. Гэхдээ УИХ-ын 57 дугаар тогтоолыг хэ­рэгжүү­лэх­гүй­гээр энэ гэрээ ажил хэрэг болохгүй гэдэг шүүм­жийг хэлж эсрэг са­налтай байсан. Тэгээд ч би зөвхөн энэ чуулганы хугацаанд л гэхэд дөрвөн удаа УИХ-д асуулга тавьж байсан.

-Та Засгийн газрыг хууль биелүүлж, ажил хийх хэрэгтэй гэж яриад байна. Тэгвэл Д.Зо­ригт сайдыг огцруулах асууд­лыг өргөн мэ­дүүлж байснаас хам­тар­сан Засгийн газраас гаръя гээд зоригтойхон дуугарах хэ­рэгтэй бай­сан юм биш үү?

-Хамтарсан Засгийн газраас гарах эсэх асууд­лыг гуравхан гишүүн шийд­дэггүй юм. Нэгдүгээрт АН улс төрийн шийдвэр гар­гах ёстой. Хоёрдугаарт УИХ-ын 18 гишүүн санал нэгдэж байж энэ Засгийн газрын тараах эсэх асууд­лыг ярих хууль журамтай. Нөгөө талаас бидний гур­ван гишүүний тавьсан үндэслэл дотор Оюу тол­гойн гэрээнээс бусад бүх асуудал нь Д.Зоригт сай­дын салбартай хамаа­тай.